Da Vinci Robota

APLIKAZIO PRAKTIKOAK

Prostatektomia erradikala egiteko erabiltzen da gehien, hau da, prostata bera eta guruin-besikula erabat erauzteko, prostatako minbizia diagnostikatu den kasuetan.

Nefrektomia partzialerako ere gero eta gehiago erabiltzen hasi da, giltzurrun-masa intzidentalak gero eta gehiago diagnostikatzen direnez gero. Baina esan beharra dago, gehien-gehien, dauzkan abantailengatik ari dela hainbeste hedatzen: pieloplastia, pieloureterreko loturaren estenosia konpontzeko; zistektomia erradikala, maskuriko minbizirako; uretra berriz ezartzea, estenosiaren ondorioz; kolposakropexia, zistolea gertatzen denean…

ABANTAILAK

· Laparoskopiaz iristeko aukera ematen du: Hau da, abdomenean ebaki konbentzionalak egin beharrik gabe; hortaz, min gutxiago eragiten du, eta zauri kirurgikoak baino konplikazio gutxiago, pazientea azkarrago bere oneratzen da, eta goizago joan daiteke senda-agiria hartuta ospitaletik.

· Berrikuntza teknologikoak: Robotaren pintzek mugikortasun handia dute, 3D ikuspegia dauka, dardarik ez, eta zirujauak ergonomia egokiagoa dauka…horren eraginez, kirurgia konbentzionalaren aldean askoz abantaila gehiago ditu, bai eta laparoskopia puruaren aldean ere. Hala, pazienteak emaitza funtzional hobeak ditu (adibidez, erekzio-disfuntzioetan, eta prostatektomia erradikalen ondoriozko inkontinentzian), interbentzio kirurgiko konplexuagoak egiteko aukera ematen du (esate baterako, nefrektomia partzial robotikoa) , transfusio gutxiago behar dira…